Agora

“Unha biblioteca é moito máis que un lugar onde ler libros” F. Xavier Redondo, bibliotecario da USC

Pablo Casas | Santiago de Compostela

Con motivo do Día Internacional das Bibliotecas, que se conmemora o día 24 de Outubro, realizouse un coloquio no Ateneo de Santiago. A conferencia foi impartida polo bibliotecario Francisco Xavier Redondo Aval, e denominouse “Bibliotecas e bibliotecarios na memoria da esperanza”

 Foto: Carmen Fernández/ Agora

Redondo, autor de  Bibliotecarias e bibliotecarios infames , entre moitos outras obras, referiuse a importancia histórica  das bibliotecas coma garantes da educación e do coñecemento. Tamén destacou a labor dos bibliotecarios, que actúan de servidores da sociedade e da cultura e reivindicou o seu oficio.

 O bibliotecario da USC, que traballa  asemade de investigador,  fixo un percorrido pola historia de España explicando  a influencia que nela tiveron as bibliotecas, as que comparou cas escolas na II República,  xa que ambas serviron para superar o analfabetismo predominante na poboación. Redondo manifestou a súa repulsa a teoría de que na guerra civil houbo a mesma responsabilidade por parte dos dous bandos, e que resulta “absurdo negar os crimes e a  represión tras a Guerra Civil”. Por último Redondo fixo referencia o asasinato de bibliotecarios en Madrid durante o No Pasarán.

A actividade encádrase nos “Luns do Ateneo”, día adicado á cultura  nas que se ofrecen conferencias de diversas materias no local compostelán. O acontecemento atraeu a numeroso público que encheu o auditorio do Ateneo.